Zen365 është platformë biznesi që i bashkon në një vend shitjet, blerjet, bankat, stokun, kontabilitetin dhe Softuerin Elektronik Fiskal (SEF) të certifikuar nga ATK. Punon në kompjuter, tablet dhe telefon. E përdorin biznese: dyqane, markete, kafiteri, restorante, berberë, sallone bukurie, klinika, barnatore dhe zyra kontabiliteti.
Kërkojmë një person që i udhëheq klientët e rinj hap pas hapi në Zen365 (onboarding) dhe i ndihmon me çdo pjesë të platformës. Puna ndahet mes zyrës dhe terrenit.
Detyrat e tua
- E përgatit biznesin e ri nga fillimi: konfiguron artikujt dhe çmimet. Shumicën e kësaj pune e bën online, nga zyra.
- Vendos dhe konfiguron pajisjet te klienti: tabletin ose kompjuterin, printerin termik, printerin ose ekranin e kuzhinës dhe lidhjen me internet.
- E mëson stafin e klientit si ta përdorë Zen365, te klienti ose online.
- U përgjigjesh klientëve në telefon, Viber, chat dhe platforma të tjera kur kanë kërkesa ose pyetje për Zen365: platformën në web, SEF-in, aplikacionet mobile dhe ekranin e kuzhinës.
- Shkon te klienti kur problemi nuk zgjidhet nga distanca.
- Na tregon çka nuk funksionon dhe çka kërkojnë klientët, që ta përmirësojmë produktin.
Çfarë kërkojmë
- Patentë shoferi, kategoria B.
- Punon lirshëm me teknologjinë: lidh pajisje, konfiguron aplikacione, gjen pse diçka nuk punon.
- Punon me saktësi dhe kujdes.
- Flet dhe shkruan shqip mirë.
Përparësi, jo kusht
- Përvojë me arka fiskale, POS ose suport teknik.
- Njohuri bazë të kontabilitetit dhe tatimeve.
- Gjuhë angleze.
Informata shtesë
- Pagë fikse mujore sipas përvojës, plus bonuse sipas objektivave.
- Karburanti dhe shpenzimet e udhëtimit për punën në terren paguhen veçmas.
- Nuk kërkohet përvojë me Zen365. Ofrohet trajnim gjatë javëve të para.
Si të aplikosh
Dërgo CV-në në hr@zen365.ai me titull "Onboarding Specialist / Teknik i Suportit", deri më 20 nëntor 2026. Shkruaj edhe 3 - 5 fjali: pse aplikon në këtë punë. Do të kontaktojmë vetëm kandidatët që ftohen në intervistë. Konkursi është i hapur për të gjithë, pa dallim gjinie.